سیرامیک
سیرامیک چییە؟
بەشێوەیەکی گشتی سیرامیک پێکدێت لە تێکەڵ کردنی گڵی تایبەت لەگەڵ ئاو پاشان دەکرێتە سەرشێوە و قاڵبی خوازراو لە کۆتایدا دەکرێتە ناو فڕن و لە پلەی گەرمی بەرزدار دەبرژێت دوای دەرهێنانی لە فڕن و سارد بوونەوەی دەتوانرێت ڕەنگ یاخود ڕوپۆشی دژە ئاو یان گلەیز بکرێت.
قۆناغەکانی بەرهەمهێنانی سیرامیک
جیاکردنەوەی گڵ و بێژاندنەوەی ئامادەکردنی بۆ ناو ئامێری تێکەڵکردن، پاشان دەبێت بە قوڕێکی خەست و دەدرێت لە قاڵب و ڕەنگدەکرێت دواتر وشک دەکرێتەوە.
تایبەتمەندییەکانی سیرامیک
ماددەیەکە پاککردنەوەی ئاسانە
بەرگەی پەستانی ئاو دەگرێت
بەرگەی پلەی گەرمی بەرز و نزم دەگرێت
بەرگەی کارلێکی کیمیای دەگرێت
کارەبا ناگەیەنێت
بەکارهێنانەکانی سیرامیک
بۆ ڕۆپۆش کردنی سەقفی ماڵ و باڵەخانەکان
بۆ دروست کردنی قاپ و پەرداخ و گۆزە
بەکاردێت لە بابەتی صحیات و توالێت و دەستشۆر
بۆ ڕوپۆش کردنی ئامێری ئەلکترۆنی
بۆچی بابەتی صحیات لە سیرامیک دروست دەکرێت؟
سیرامیک بەکاردێت بۆ ڕووپۆشکردنی بابەتی صەحیات چونکە سیرامیک مادەیەکی بەهێز و پاکە و هەڵمژینی ئاوی نییە و لەدوای بەکارهێنان پاککردنەوەی ئاسانە و تێچووی کەمە لە دروستکردندا.
تۆماس کراپەر
تۆماس کراپەر ئەندازیاری بۆری و ئاوەڕۆ بووە لە لەندەن، لە ساڵانی 1860 ناوبانگی دەرکرد بە داهێنانی فلەشی تەوالێت و دروستکردنی ئاوەڕۆی تایبەت بۆ تەوالێت و حەمام کە یارمەتیدەرێکی زۆری بەفیڕۆنەدانی ئاو بوو.
ئەم داهێنانەی تۆماس تەوالێتی سیرامیکی زیاتر گەشەپێدا و وایکرد لە دوای خۆی چەندەها داهێنانی جیاوازتر بکرێت لە حەمام و تەوالێتی سیرامیکدا.
Laufen و داهێنانێکی نوێ لە سیرامیکدا
سەفیرسیرامیک
لە ساڵی 2013 کۆمپانیای (لاوفن)ی سویسری داهێنانێکی نوێی لە سیرامیکدا کرد، بەناوی (سەفیرسیرامیک) کە بە تەنکترین سیرامیکی جیهان ناسراوە، دوای نزیکی نیو سەدە لە گەڕان و توێژینەوە لەژێر سەرپەرشتی (Dr. Werner Fischer) دۆزرایەوە.
ئەم بەرهەمە کە ناسراوە بە شۆرشی سیرامیک بە تێکەڵکردنی ماددەیەک دروست دابێت لەگەڵ سیرامیک کە پێی دەڵین (ئۆکسیدی ئەلەمنیۆم) کە ماددەیەکی بێ ڕەنگ و بەهێزە لە خێزانی توخمی (یاقووت)ە، کە ئەمەش بەهێزییەکی زۆر دەدات بە (سەفیرسیرامیک) ەکە، واداکات دیزاینەرەکان ئازادبن لە هەر جۆرێک دیزاین کە خوازیاری بن.
تایبەتمەندییەکانی (سەفیرسیرامیک)
بە دۆستی ژینگە دادەنرێت لەبەر ئەوەی ماددەی خامی کەمتری تێدا بەکاردێت، بەمەش کەمترین پاشەڕۆ دروست دەبێت بەراورد بەو وزەیەی بەکاردێت بۆ برژاندنی سیرامیک.
ئەم ماددە نوێیە دەتوانرێت ڕیسایکڵینگی بۆ بکرێت.
توانای بەرگەگرتنی پلەی گەرمی زۆر بەرزی هەیە.
توانای بەگەگرتنی ماددەی کیمیای هەیە.
زۆرێک تایبەتمەندی دیکە کە وادەکەن (سەفیرسیرامیک) بە ماددەیەکی ئیکۆنۆمی دەبنرێت، کۆمپانیای لاوفن لە هەوڵی زیاترن بۆ زیاتر پەرەپێدانی ئەم سیرامیکە.
