ئەو نەخۆشیە مەترسیدارانە چین کە لە تەوالێتی ماڵەکەت توشت دەبێت؟

یەکێک لە نوێترین توێژینەوەکان کە لەلایەن تیمێک لە ئەندازیارانی cu boulder لە زانکۆی کۆلۆرادۆی ئەمریکا ئەنجام درا، ئەویش تاقیکردنەوەیەک بوو بە بەکارهێنانی تیشکی ڕووناکی سەوز بۆ سەر تەوالێت لەکاتی فلەش کردن (بەردانەوەی ئاو) . ئەنجامەکان ئەوەیان ئاشکرا دەکرد کە چۆن دڵۆپە بچووکەکانی ناو تەوالێت کە بە چاو نابینرێت بە خێرایی دەردەپەڕێنە هەواوە بە مەودای ٢ مەتر لەکاتی هێشتنەوەی تەوالێتەکە بە کراوەیی. ئەم تەنۆلکە ئایرۆسۆلیزەکراوانەی کە بە گواستنەوەی نەخۆشی ناسراون و دەتوانن مەترسی گواستنەوەی بەکتریا و ڤایرۆس دروست بکەن.
بڵاوبوونەوەی تەنۆلکە ئایرۆسۆڵەکان لە دوای فلەش کردنی تەوالێت (بەردانەوەی ئاو) مەترسی تەندروستی دروست دەکات بەو پێیەی دەتوانێت زۆرێک لە ڤایرۆسەکانی وەک ئی.کۆلای یان نۆرۆڤایرۆس بڵاوبکاتەوە،یاخود ڤایرۆسی درم کە دەبنە هۆی سکچوون و ڕشانەوە، کە ئەمەش کاریگەری لەسەر بەکارهێنەران هەیە.
توێژینەوەکە لەسەر تەوالێتێکی بازرگانی وەک زۆرینەی تەوالێتە گشتیەکانی ئەمریکای باکووردا دەبینرێن ئەنجام درا. توێژەران تەنها ئاوی شلەتێنیان بەکارهێناوە و کاغەزی تەوالێت و پاشماوەی ڕەقی تێدا نەبووە.
کریمالدی دەڵێت: “ئێمە پێشبینیمان دەکرد ئەم گەردیلانەی ئایرۆسۆڵ تەنها جۆرێک لە جۆرەکان بەرەو سەرەوە هەڵبفڕن، بەڵام وەک موشەکێک دەرچوون”. گرتە ڤیدیۆییەکان لە موشەکێک دەچێت کە بڵاو دەبنەوە، هەرچەندە خێرایی ڕاستەقینەی تەنۆلکەکان بە 6.6 پێ (2 مەتر) لە چرکەیەکدا پێوانە کران لەکاتێکدا لە ماوەی هەشت چرکەدا دوای شۆردنی تەوالێتەکە گەیشتە 4.9 پێ (1.5 مەتر) لە سەرووی تەوالێتەکەوە وەک لە وێنەکەدا دەردەکەوێت.